कम्पनी प्रोफाइल

कम्पनीको परिचय

जीवन बीमा ब्यवसायको माध्यमबाट देशभर छरिएर रहेकोे आर्थिक श्रोत र साधनलाई जीवनबीमा शुल्कका रुपमा संकलन गरी देशको आर्थिक बिकासमा योगदान पुर्याउने र समग्र नेपालीहरुको आर्थिक जीवनस्तर सुदृढ तुल्याउने अभिप्रायलिई यूनियन लाइफ इन्स्योरेन्स कम्पनी लिमिटेड स्थापना भएको हो ।

सिद्धार्थ नगरनगरपालिका–८, रुपन्देहीमा रजिष्ट्रर्ड कार्यालय र काठमाण्डौ महानगरपालिका–१०, नयाँबानेश्वर, काठमाण्डौमा प्रधानकार्यालय रहेको यस कम्पनी, कम्पनी रजिष्ट्रारको कार्यालयमा मिति २०७४।०१।२४ गते (दर्ता नं.१६८१३१र०७३र०७४) दर्ता भई बीमा समितिबाट मिति २०७४|०३|२० गते जीवनबीमा ब्यवसाय संचालन गर्न ईजाजत पाए अनुसार कम्पनीले मिति २०७४।०६।०४ गते कारोवार संचालनको स्वीकृतीप्राप्त गरी तत्पश्चात नियमित रुपमा कारोवार संचालन गरिरहेको छ । यस कम्पनीमा प्रतिष्ठित उद्योगपति, व्यापारी, समाजसेवीहरु एवं समाजका प्रतिष्ठित ब्यक्तिहरु सहित जगदम्बा समूह, गोल्छा समूह, गाडिया समूह,न्यौपाने समूह, राजेश हार्डवेयर तथा टिवडेवाल समूह आदिको लगानी रहेको छ ।

पूँजी संरचना

कम्पनीको अधिकृत पुंजी रु २ अर्ब १५ करोड र जारी तथा चुक्ता पुंजी रु २ अर्ब १५ करोड रहेको छ । सो पुंजी मध्ये ७० प्रतिशतले हुने रु. १ अर्ब ५० करोड ५० लाख संस्थापक समूहको र ३० प्रतिशतले हुने रु.६४ करोड ५० लाख सर्वसाधारण समूहको योगदान रहेको छ।

पुनर्बीमा

कम्पनीले बीमा ब्यवसायमा हुने आर्थिक जोखिम न्युनगर्न बीमा गर्ने व्यक्तिहरुको पूनर्बीमा हिमालयन रि (Himalayan Re) र नेपाल पूनर्बीमा कम्पनी लिमिटेडसंग सम्झौता गरेको छ ।

परिकल्पना

नेपालीहरु माझ बीमा सम्बन्धी जनचेतना अभिबृद्धि गरी बीमा बजारको दायरालाई विस्तार गर्नुका साथै बीमितहरुलाई अन्तर्राष्ट्रिय स्तरको बीमा सेवा सुविधा प्रदान गरी आर्थिक समृद्धि प्रदान गर्ने ।

लक्ष्य

बीमा ब्यवसायलाई स्वच्छ, प्रतिस्पर्धी तथा विश्वसनिय बनाउन बीमितहरुको सुरक्षा तथा अधिकतम लाभ प्रदान गर्ने खालका बीमा योजनाहरु ल्याउने तथा छरिएर रहेका श्रोत र साधनहरुलाई एकिकृत गरी भौतिक पूर्वाधारहरुमा लगानी गर्नुको साथै रोजगारी सृजना गरी जीवनस्तर उकास्ने ।

कम्पनीको उद्देश्य ः

क) बीमा सम्बन्धी नयाँ बीमा योजनाहरु तयार गरी अन्तर्राष्ट्रिय स्तरको सुविधा प्रदान गर्ने ।
ख) बीमा ब्यवसायको प्रवर्धन गरी आर्थिक बिकासमा टेवा पुर्याउने।
ग) शेयर धनीहरु, बीमितहरुको लगानीको उचित प्रतिफल प्रदान गर्ने ।
घ) बीमा ब्यवसायको विकास तथा बिस्तार गरी सबैलाई बीमाको दायरामा ल्याउने ।
ङ) बीमा ब्यवसायको विश्वसनियता अभिबृद्धि गर्न जन चेतना मुलक कार्यहरु गर्ने ।

कम्पनीको संचालक समिति

प्रतिष्ठित उद्योगपति, व्यापारी, समाजसेवीहरु एवं समाजका प्रतिष्ठित ब्यक्तिहरुको लगानी रहेको यस कम्पनीमा निम्नानुसार संचालक समिति रहेको छ ।